Tarixçi alim Teymur Atayevin kitabının təqdimatı olacaq
Bakı, 9 dekabr, AZƏRTAC
Dekabrın 13-də Bakıdakı Rus evində Teymur Atayevin “Dmitri Şostakoviçin son əsərləri” kitabının təqdimatı keçiriləcək.
Rusiya İnformasiya-Mədəniyyət Mərkəzinin (RİMM) mətbuat xidmətindən AZƏRTAC-a bildiriblər ki, geosiyasət, din, ədəbiyyat, incəsənət problemlərinin tədqiqatı ilə məşğul olan azərbaycanlı tarixçi, politoloq, publisist Teymur Atayev “Dmitri Şostakoviçin son əsərləri” adlı kitabında bəstəkarın özünün və onu tanıyan insanların fikirlərinin ifadə edildiyi sənədli mənbələr nöqteyi-nəzərindən Şostakoviçin son əsərlərini təhlil edir.
Bundan başqa, Üzeyir Hacıbəyli adına Bakı Musiqi Akademiyasının müəllim, məzun və tələbələrinin hazırladığı konsert proqramı planlaşdırılır.
Bölmənin digər xəbərləri
