Tədris digər dillərdə aparılan birinci siniflərə qəbulla bağlı müsahibəyə qeydiyyat başlanır
Bakı, 11 may, AZƏRTAC
Mayın 15-i saat 11:00-dan mayın 31-i saat 18:00-a qədər dövlət ümumi təhsil müəssisələrinin tədris digər dillərdə aparılan birinci siniflərinə qəbulla bağlı uşaqların həmin dil üzrə şifahi nitq bacarıqlarının yoxlanılması məqsədilə təşkil olunan müsahibəyə yazılmaq üçün qeydiyyat aparılacaq.
AZƏRTAC xəbər verir ki, bunu Təhsil TV-də Ümumi və məktəbəqədər təhsilin təşkili və idarə olunması şöbəsinin müdir müavini Orxan Abbasov deyib.
Onun sözlərinə görə, mayın 20-dən iyunun 9-dək müsahibələr aparılacaq. Hər iki proses paralel şəkildə baş tutacaq.
Bildirib ki, iyunun 20-də tədris digər dillərdə aparılan məktəblərdə məktəb seçiminə başlanılacaq və proses sentyabrın 14-dək davam edəcək.
Bölmənin digər xəbərləri
