ELM VƏ TƏHSİL
TƏLƏBƏ QƏBULU ÜZRƏ DÖVLƏT KOMİSSİYASININ MƏLUMATI
TQDK Qəbul Qaydalarının 9-cu bəndinə əsasən avqustun 8-dən 12-dək dövlət və qeyri-dövlət ali məktəblərinin vakant yerlərinə müsabiqə əsasında əlavə yerləşdirmə ilə bağlı ərizə qəbulu aparacaqdır. Ərizə qəbulu aşağıda göstərilən müvafiq qruplar üzrə apellyasiya komissiyalarında keçiriləcəkdir.
Azərbaycan bölməsi:
I qrup – Azərbaycan Dövlət İqtisad Universiteti, 4-cü korpus (Abbas Səhhət küçəsi, 45 a);
II qrup - Nərimanov rayonu, 36 saylı məktəb (Akademik H.Əliyev küçəsi, 45);
III qrup – Nəsimi rayonu, 42 saylı məktəb (Mir-Qasımov küçəsi, 6)
IV qrup – Nərimanov rayonu, 47 saylı məktəb (Azadlıq prospekti, 139);
V qrup – Nərimanov rayonu 258 saylı məktəb (S.Rəhman küçəsi, 34).
Rus bölməsi
Bütün qruplar – TQDK-nın binası (Akademik H.Əliyev küçəsi, 17)
Əlavə yerləşdirmə qaydaları və vakant yerlər haqqında məlumat “Abituriyent” jurnalının 8-ci sayında dərc olunmuşdur. Jurnalı avqustun 8-dən etibarən apellyasiya aparılan məntəqələrdən və TQDK-nın binasından ala bilərsiniz.