TƏLƏBƏ TƏQAÜDÜ MÜSABİQƏSİNİN QALİBLƏRİ MÜKAFAT ALMIŞLAR
AZƏRTAC-ın müxbiri xəbər verir ki, “Avropa” otelində qaliblərin mükafatlandırılması mərasimi olmuşdur. Şirkətin baş direktoru Brayan Teylor, bp-Azərbaycan şirkətinin əməliyyatlar üzrə vitse-prezidenti Nil Makkleri çıxışlarında qeyd etmişlər ki, hər il olduğu kimi, “Xəzər neft və qaz” sərgisi zamanı ADNA-nın tələbələrini mükafatlandırmaq ənənəyə çevrilmişdir. Builki qaliblər Elnarə Məmmədova, Elşən İsmayılov, Vaqif Camalov, Abdul Abduləliyev, Vüsal Məmmədov və Ceyhun Məmmədovdur.
Tələbə Təqaüdü Proqramı yeddinci dəfə həyata keçirilir və tələbələrə diplom işini tamamlamaq üçün yardım kimi aylıq təqaüd ayrılmasını və Britiş Council-də ingilis dili kursları keçirilməsini nəzərdə tutur. Proqramı uğurla bitirən tələbələr KCA DEUTAG şirkətinin Aberdindəki baş ofisinə səfər edəcək, qazma işləri və Şotlandiyanın başqa neft sənayesi şirkətləri ilə yaxından tanış olacaqlar.
Mərasimdə ADNA-nın elmi və texniki işlər üzrə prorektoru, professor Ramiz Hümbətov təhsilin və neft sənayesinin inkişafına qayğıya görə şirkətin rəhbərliyinə təşəkkürünü bildirmişdir.
Bölmənin digər xəbərləri
