Tələbələr Torpaqşünaslıq və Aqrokimya İnstitutunun laboratoriyaları ilə tanış olublar

21.10.2021 [16:48]
Çap et
A⁺ A^-

Bakı, 21 oktyabr, AZƏRTAC

Oktyabrın 21-də AMEA-nın Torpaqşünaslıq və Aqrokimya İnstitutunda gənclərin elmi potensialının yüksəldilməsi məqsədilə “Açıq qapı” keçirilib.

İnstitutdan AZƏRTAC-a bildirilib ki, karantin qaydalarına uyğun şəkildə təşkil olunan tədbirdə Azərbaycan Dövlət Pedaqoji Universitetinin Tarix və coğrafiya fakültəsinin IV kurs tələbələri iştirak ediblər. Fakültənin müəllimi Mehmanə Sadiqin rəhbərliyi ilə tələbələr institutun kitabxanası, Torpaq muzeyi və laboratoriyaları ilə tanış olublar.

Tələbələrə institutun tarixindən və torpaqşünaslıq elminin əhəmiyyətindən danışılıb, onların sualları cavablandırılıb.