TEMPUS PROQRAMLARININ BÜDCƏSİ MÜƏYYƏNLƏŞDİRİLİR
Avropa Birliyinin Azərbaycana Texniki Yardım Proqramlarının Əlaqələndirmə Bürosunun ekspertləri TEMPUS layihələrinin perspektivlərini və gerçəkləşdirilməsi imkanlarını TASİS-in 2004-cü 2005-ci illər üçün indikativ fəaliyyət proqramı çərçivəsində nəzərdən keçirirlər. Bunu AZƏRTAC-ın müxbirinə Büronun icraçı direktoru Əsgər Ələkbərov bildirmişdir. O, demişdir ki, TEMPUS proqramlarına yaxın iki il üçün ayrılan büdcə vəsaitinin həcmi layihələrin həyata keçirilməsi sürətini araşdıran TASİS ekspertlərinin rəyindən asılı olaraq müəyyənləşdiriləcəkdir.“TASİS-in 2004-2005-ci illər üçün indikativ fəaliyyət proqramının15-18 milyon avro həcmində büdcəsi bu il avqustun sonunadək Avropa Komissiyası tərəfindən qəti olaraq bəyəniləcəkdir və Büro yaxın aylarda TEMPUS layihələrinin son büdcəsini müəyyən edəcəkdir.
Bölmənin digər xəbərləri
