TERRİ DEVİS DAĞLIQ QARABAĞDAKI “REFERENDUM”LA BAĞLI BƏYANAT VERMİŞDİR
Azərbaycan Respublikasının Avropa Şurası yanındakı daimi nümayəndəliyindən AZƏRTAC-ın xüsusi müxbirinə bildirmişlər ki, dekabrın 11-də qurumun baş katibi Terri Devis dekabrın 10-da Azərbaycan Respublikasının Dağlıq Qarabağ bölgəsində separatçı rejim tərəfindən keçirilmiş qeyri-qanuni olan “konstitusiyaya dair referendum” barədə bəyanat vermişdir.
Bəyanatda baş katib Dağlıq Qarabağın tanınmamış hakimiyyəti tərəfindən keçirilmiş səsvermənin heç bir hüquqi qüvvəsinin ola bilməyəcəyini vurğulamışdır. O demişdir ki, bu “referendum” beynəlxalq ictimaiyyət tərəfindən tanına bilməz və onun heç bir nəticəsi olmayacaqdır. Dağlıq Qarabağ məsələsinin davamlı həlli yalnız Minsk qrupunun siyasi proseslərə verilən töhfəsindən irəli gələ bilər.
Bölmənin digər xəbərləri
