Tikinti obyektinin inşasına verilən icazə prosedurların sayı 10-a endirilib
Bakı, 25 aprel, AZƏRTAC
Aparılan sistemli iqtisadi islahatlar nəticəsində “Tikintilərə icazələrin alınması” indikatoru üzrə biznes mühitinin yaxşılaşdırılması üçün tikinti obyektinin tikintisinə və istismarına icazələrin verilməsi prosedurlarının sayı azalaraq 10-a endirilib.
AZƏRTAC xəbər verir ki, bunu İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı Bakı Şəhər İcra Hakimiyyətində 30-a yaxın tikinti şirkətlərinin rəhbərləri ilə görüşündə deyib.
V.Qasımlı qeyd edib ki, tikinti obyektlərinin tikinti layihəsi ekspertiza tələb olunan və ya tələb olunmayan obyektlərə ayrılıb. Ekspertizası tələb olunmayan obyektlərin siyahısı isə genişləndirilib. Həmçinin bu istiqamət üzrə texniki şərtlər “Bir pəncərə” prinsipi ilə sadəcə bir sorğu vasitəsilə “ASAN Kommunal” mərkəzlərində əldə olunur.
Bölmənin digər xəbərləri
