“TİKİNTİDƏ ƏMƏYİN MÜHAFİZƏSİ VƏ TEXNİKİ TƏHLÜKƏSİZLİK” MÖVZUSUNDA KEÇİRİLƏN TƏLİM KURSLARINA YEKUN VURULMUŞDUR
Aprelin 7-dən 11-dək Dövlət Əmək Müfəttişliyi, Əmək və Sosial Problemlər üzrə Elmi Tədqiqat və Tədris Mərkəzi tərəfindən tikinti sahəsində çalışan mütəxəssislər üçün “Tikintidə əməyin mühafizəsi və texniki təhlükəsizlik” mövzusunda sertifikatlı təlim kursları keçirilmişdir.
AZƏRTAC xəbər verir ki, aprelin 11-də Əmək və Sosial Problemlər üzrə Elmi Tədqiqat və Tədris Mərkəzində təlim kurslarına yekun vurulmuşdur.
Dövlət Əmək Müfəttişliyinin rəisi Nəbi Şükürlü bildirmişdir ki, kursların keçirilməsinin məqsədi tikinti sahəsində çalışan mütəxəssislərə əməyin mühafizəsi və texniki təhlükəsizliklə bağlı müvafiq qanunvericiliyin izah edilməsi idi. Məşğələlər zamanı dinləyicilər müxtəlif əyani və metodiki vasitələrlə təmin olunmuşdular. Təlim kurslarında müfəttişliklə sahibkarlıq subyektləri arasında münasibətlərin qurulmasının xüsusiyyətləri və s. haqqında geniş məlumat verilmişdir.
Tədbirin sonunda mütəxəssislərə sertifikatlar təqdim olunmuşdur.
