Tokio Fond Birjasında “Nikkey” indeksi ilin ən yüksək həddinə çatıb
Tokio, 25 aprel, AZƏRTAC
Aprelin 25-də Tokio Fond Birjasında “Nikkey” indeksi səhmlərin alışına artan sifarişlər nəticəsində cari ilin ən yüksək həddinə çatıb.
AZƏRTAC xəbər verir ki, özündə Yaponiyanın 225 aparıcı şirkətinin səhmlərini birləşdirən “Nikkey” indeksi günü 22307 həddində baş vurub, bu da bir gün əvvəlki göstəricidən 107 bənd yuxarıdır.
Daha geniş TOPIX indeksi də 8 bənd artaraq, günü 1620 həddində başa vurub.
Məsələ burasındadır ki, aprelin 25-də Yaponiya Mərkəzi Bankı gələn ilin yazınadək kütləvi yumşaltma siyasətini davam etdirəcəyi barədə qərar qəbul edib.
Bazar mənbələrinin bildirdiyinə görə, Mərkəzi Bankın bu addımı investorların iqtisadiyyata inamını yüksəldib.
Mənbələr, həmçinin bildiriblər ki, investorlar milli valyuta yenin dollara nisbətdə zəifləyəcəyini düşünərək səhmləri almağa başlayıblar.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
