Tovuzda evdə yanğın olub, bir nəfərin yanmış meyiti tapılıb
Tovuz, 2 yanvar, Ruslan Novruzoğlu, AZƏRTAC
Tovuzda yanğın hadisəsi baş verib. Belə ki, rayonda ev yanıb, yaşlı kişinin meyiti aşkarlanıb.
AZƏRTAC xəbər verir ki, hadisə gecə saatlarında rayonun Aşağı Quşçu kəndində qeydə alınıb. Belə ki, yanğın evin həyətində olan dəmir konstruksiyalı köməkçi tikilidə baş verib. Evin 12 kvadratmetrlik sahəsinin yanar konstruksiyaları və oradakı əşyalar tamamilə yanıb. Yanğın söndürüldükdən sonra hadisə yerindən kənd sakini 61 yaşlı Fazil Hüseynov yanmış meyiti aşkarlanıb.
Faktla bağlı rayon prokurorluğunda araşdırma aparılır.
Bölmənin digər xəbərləri
