TOVUZDA HEYVANDARLIĞIN İNKİŞAFINA HƏSR OLUNMUŞ MÜŞAVİRƏ KEÇİRİLMİŞDİR
AZƏRTAC xəbər verir ki, Kənd Təsərrüfatı Nazirliyinin xətti ilə Tovuz rayonunda icra nümayəndələrinin, bələdiyyə sədrlərinin və sahibkarların iştirakı ilə damazlıq işinin təşkili və heyvandarlıqda süni mayalama tədbirlərinə dair müşairə keçirilmişdir.
Rayon icra hakimiyyəti başçısının müavini Niftalı Qasımov Nazirlər Kabinetinin “Azərbaycan Respublikasında heyvandarlığın inkişaf etdirilməsinə dair əlavə tədbirlər haqqında” müvafiq qərarından irəli gələn vəzifələrdən danışmışdır. O qeyd etmişdir ki, süni mayalama peşəsinə yiyələnmiş 3 nəfər noyabrdan rayonun kəndlərində heyvanların süni mayalama işlərinə başlayacaqdır.
Nazirliyin şöbə müdiri Çingiz Fərəcov respublikada heyvandarlığın inkişafı üçün görülən tədbirlərdən danışmışdır. Natiq qeyd etmişdir ki, 2007-ci ilin yanvarına olan məlumata görə ölkəmizdə 2,4 milyon baş mal-qara və 7,8 baş qoyun-keçi var. Kifayət qədər otlaqların olmamasını və mal-qaranın cins tərkibinin cılızlaşmasını qeyd edən məruzəçi, çıxış yolunun süni mayalamada olduğunu bildirmişdir.
Bildirilmişdir ki, süni mayalama tədbirlərinin yaxşılaşdırılmasında yerli idarəetmə orqanları da fəal iştirak etməli və Nazirlər Kabinetinin müvafiq qərarının yerinə yetirilməsinə kömək göstərməlidirlər.
Bölmənin digər xəbərləri
