Tramp qısa müddətdə Meksika körfəzinin adını Amerika körfəzi olaraq dəyişdirəcəyini açıqlayıb
Vaşinqton, 20 yanvar, AZƏRTAC
ABŞ-ın yeni and içmiş Prezidenti Donald Tramp qısa müddətdə Meksika körfəzinin adını Amerika körfəzi olaraq dəyişdirəcəyini açıqlayıb.
AZƏRTAC-ın məlumatına görə, bu barədə o, Kapitoli binasında keçirilən andiçmə mərasimində deyib. O bildirib ki, Amerika xalqı Yer kürəsinin ən böyük, ən güclü, ən hörmətli milləti kimi öz layiqli yerini geri alacaq.
Donald Tramp administrasiyasının gündəliyini həyata keçirməyə başlamaq üçün bir sıra sərəncamlar imzalamağı planlaşdırdığını deyib.
O, həmçinin ABŞ-ın cənub sərhədində milli fövqəladə vəziyyət elan etmək niyyətində olduğunu bildirib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
