Türkiyə-Azərbaycan pərakəndə geyim bazarında mövcud problemlər müzakirə olunub
Bakı, 14 sentyabr, AZƏRTAC
“Türkiyə-Azərbaycan İş Adamları və Sənayeçiləri İctimai Birliyi” (TÜİB) İdarə Heyətinin sədri Hüseyin Büyükfıratla Azərbaycan Pərakəndə Geyim İdxalçıları Assosiasiyası (AFRA) İdarə Heyətinin sədri Fərid Novruzi arasında işgüzar görüş keçirilib.
AZƏRTAC xəbər verir ki, görüşün əsas məqsədi Azərbaycan Pərakəndə Geyim İdxalçıları Assosiasiyasının üzvlərinin pərakəndə geyim bazarında mövcud problemləri və onların həlli yollarının araşdırılması, dövlət tərəfindən sahibkarlıq subyektlərinə təqdim edilən güzəştlər və onlardan istifadə imkanlarının müzakirəsi olub.
Görüşün yekununda tərəflər belə görüşlərin daha tez-tez keçirilməsi və sahibkarların problemlərinin həlli istiqamətində həyata keçirilən tədbirlər haqqında qarşılıqlı məlumat mübadiləsinin aparılması barədə razılığa gəliblər.
Bölmənin digər xəbərləri
