TÜRKİYƏ BOĞAZLARDA GƏRGİNLİYİ AZALTMAQ ÜÇÜN İKİ NEFT KƏMƏRİ ÇƏKMƏYİ PLANLAŞDIRIR

03.05.2004 [15:52]
Çap et
A⁺ A^-

AZƏRTAC-ın Ankaradan aldığı xəbərdə deyilir ki, Türkiyə hər gün onlarca tankerin keçdiyi Bosfor və Dardanel boğazlarında gərginliyin azaldılması üçün yaxın vaxtlarda iki neft kəmərinin tikintisinə başlayacaqdır. Bunu energetika və təbii sərvətlər naziri Hilmi Gülər bildirmişdir. Onun sözlərinə görə, boğazlardan keçən tankerlərin sayının azaldılması texnogen fəlakətlər təhlükəsinin səviyyəsini nəzərəçarpacaq dərəcədə aşağı salmalıdır.

Nazir demişdir ki, ilk neft kəməri Qara dəniz və Egey dənizi sahillərindəki İgnəada və Saros yaşayış məntəqələri arasında çəkiləcəkdir. İkinci boru kəməri isə Qara dəniz sahilindəki Samsun şəhərini Aralıq dənizi sahilindəki Ceyhan neft terminalı ilə birləşdirəcəkdir.

H.Gülər vurğulamışdır ki, Bosfor və Dardanel boğazları vasitəsilə xam neft daşıyan gəmilərin sayının gündən-günə artması bu bölgələrin sakinləri üçün, habelə ətraf mühit üçün təhlükə törədir. Bu gəmilərdən birinin qəzaya uğraması neftin boğazlar vasitəsilə nəqlini də təhlükə qarşısında qoya bilər.

TÜRKİYƏ BOĞAZLARDA GƏRGİNLİYİ AZALTMAQ ÜÇÜN İKİ NEFT KƏMƏRİ ÇƏKMƏYİ PLANLAŞDIRIR

MÜƏLLİFLƏ ƏLAQƏ

Bölmənin digər xəbərləri