Türkiyə Livandan minə yaxın vətəndaşını təxliyə edib
İstanbul, 11 oktyabr, Günel Karatepe, AZƏRTAC
Türkiyə Livandan 966 vətəndaşını təxliyə edib. Təxliyə gəmiləri bu gün gecə və səhər saatlarında Türkiyənin Mersin limanına çatıb.
AZƏRTAC xəbər verir ki, Xarici İşlər və Milli Müdafiə nazirliklərinin koordinasiyası ilə təxliyə edilənlərdən yaralı və ya tibbi müdaxiləyə ehtiyacı olanlar təcili tibbi yardım qrupları tərəfindən xəstəxanalara aparılıb, digər isə limandan ayrılıb.
Türkiyə vətəndaşlarını Livandan təxliyə edəcək gəmilər vasitəsilə, eyni zamanda, Livana 300 ton humanitar yardım da çatdırılıb.
Təxliyə prosesinə Türkiyənin Hərbi Dəniz Qüvvələri Komandanlığına məxsus yerli amfibiya gəmiləri - “TCG Bayraktar” və “TCG Sancaktar” cəlb edilib.
Bölmənin digər xəbərləri
