TÜRKİYƏ MƏTBUATININ DİQQƏT MƏRKƏZİNDƏ
AZƏRTAC-ın xüsusi müxbiri xəbər verir ki, Çin Xalq Respublikasının xarici işlər naziri Li Çjaosinin Azərbaycana səfəri və buradakı görüşləri qardaş Türkiyənin kütləvi informasiya vasitələrinin diqqət mərkəzindədir. Belə ki, oktyabrın 23-də Türkiyənin bir sıra informasiya agentlikləri AZƏRTAC-ın məlumatlarına istinad edərək, bu səfər ilə əlaqədar materialları “Çindən Azərbaycana dəstək” başlığı ilə yayımlamışlar. Xəbərlərdə Çin Xalq Respublikasının xarici işlər nazirinin Ermənistan-Azərbaycan, Dağlıq Qarabağ münaqişəsi ilə əlaqədar Azərbaycanın haqlı mövqeyini dəstəklədiyi, Çinin Azərbaycanla iqtisadi əməkdaşlığın inkişafına maraqlı olduğu nəzərə çatdırılmışdır. Beynəlxalq aləmdə Çin Xalq Respublikası kimi böyük və nüfuzlu dövlətin birmənalı və açıq mövqeyinin xüsusi əhəmiyyət kəsb etdiyi vurğulanmışdır.
