TÜRKİYƏ QOŞUNLARININ ŞİMALİ KİPRDƏN ÇIXARILMASI MƏSƏLƏSİ GÜNDƏLİKDƏ DEYİLDİR

29.04.2004 [20:11]
Çap et
A⁺ A^-

AZƏRTAC-ın Ankaradan aldığı xəbərdə deyilir ki, Kiprin yunan icması BMT-nin baş katibi Kofi Annanın irəli sürdüyü planın əleyhinə səs verdikdən sonra Türkiyə qoşunlarını adanın şimal hissəsindən çıxarmaq məsələsi gündəlikdə durmur. Bunu Türkiyənin xarici işlər naziri Abdullah Gül bəyan etmişdir.

Xarici siyasət idarəsinin başçısı NTV telekanalına müsahibəsində vurğulamışdır ki, Annanın planı qəbul edilsəydi, Türkiyə qoşunları adadan çıxarılacaqdı. Lakin belə olmadı və nəticədə, bu qərarı kiprli yunanların özləri rədd etdilər.

Nazir demişdir ki, beynəlxalq birliyin tanınmamış Şimali Kipr Türk Respublikasına qarşı tətbiq etdiyi iqtisadi qadağa götürüldükdən sonra siyasi qadağanın da ləğv olunması növbəsi çatacaqdır.

TÜRKİYƏ QOŞUNLARININ ŞİMALİ KİPRDƏN ÇIXARILMASI MƏSƏLƏSİ GÜNDƏLİKDƏ DEYİLDİR

MÜƏLLİFLƏ ƏLAQƏ

Bölmənin digər xəbərləri