TÜRKİYƏ TÜRKMƏNİSTANDA TƏBİİ QAZ ANBARI İNŞA EDƏCƏKDİR
AZƏRTAC-ın xüsusi müxbiri xəbər verir ki, bu barədə anlaşma Türkiyənin enerji və təbii ehtiyatlar naziri Hilmi Gülərin Aşqabadda Türkmənistan Prezidenti Qurbanqulu Berdiməhəmmədov və türkmən həmkarı ilə görüşləri zamanı əldə olunmuşdur.
Türkiyəli nazirin ikigünlük səfəri zamanı aparılan danışıqlarda Türkiyənin TPAO şirkətinin Xəzər dənizinin Türkmənistan hissəsində neft və qaz kəşfiyyatı işlərində iştirakı barədə də razılıq əldə olunmuşdur.
Türkmənistandan Qazaxıstana yola düşən Hilmi Gülər jurnalistlərə bildirmişdir ki, bu səfərlər Cənubi Qafqazdakı gərginliklə bağlı deyil, öncədən planlaşdırılmışdır. Nazirin daha sonra Azərbaycana səfər edəcəyi gözlənilir.
Bölmənin digər xəbərləri
