Türkiyə XİN: ABŞ Dövlət Departamentinin dini azadlıqlarla bağlı hesabatının Türkiyəyə aid hissəsi qərəzlidir
Ankara, 11 iyun, AZƏRTAC
ABŞ Dövlət Departamentinin 2019-cu il üzrə “Beynəlxalq dini azadlıqlar” hesabatında Türkiyə ilə bağlı hissə yenə də mənbəyi məlum olmayan iddialar əsasında, obyektivlikdən kənar bir dildə yazılıb.
AZƏRTAC xəbər verir ki, bu fikir Türkiyə Xarici İşlər Nazirliyinin rəsmisi Hami Aksoyun açıqlamasında yer alıb.
Türkiyədə ibadət azadlığının bütün vətəndaşlar üçün ayrı-seçkilik olmadan təmin edildiyini bildirən XİN rəsmisi deyib ki, son 20 ildə əhalinin qeyri-müsəlman hissəsinin haqq və azadlığının müdafiəsi ilə bağlı daha əhəmiyyətli addımlar atılıb. Bu dövrdə hər bir vətəndaşın öz haqlarından bərabər şəkildə faydalana bilməsi və ayrı-seçkiliyin hər növünün qarşısının alınması üçün nəzəri və tətbiqi baxımdan böyük nəticələr əldə edilib. Hesabatdakı Ayasofya və Kariyə haqqında ifadələr çox təəccüblüdür. Ayasofya və Kariyə Türkiyənin mülkiyyətindədir və onlardan necə istifadə edilməsi Türkiyənin məsələsidir. Bunlarla bağlı qərarlar başqa ölkələrin işi ola bilməz.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
