Türkiyədən Azərbaycana növbəti dəstək - “Can Azərbaycana canımız fəda”
Bakı, 15 iyul, AZƏRTAC
Türkiyənin İstanbul şəhərində “Can Azərbaycana canımız fəda” adlı mitinq keçiriləcək.
AZƏRTAC xəbər verir ki, mitinqin məqsədi son günlər Azərbaycan-Ermənistan sərhədində yaşanan gərginliklərlə bağlı Azərbaycana dəstək vermək, şəhid olan hərbçilərimizi yad etmək və Ermənistanın bütün dünyanın pandemiya ilə mübarizə apardığı dönəmdə əl atdığı təxribatlara etiraz etməkdir.
Bəyazid Meydanında saat 14:00-da baş tutacaq tədbirin təşəbbüskarları İstanbul Universiteti Azərbaycan Mədəniyyət və Həmrəylik Birliyi, Turan Ocaqları və Bütöv Azərbaycan Ocaqlarıdır.
Xatırladaq ki, iyulun 12-dən başlayaraq erməni silahlı bölmələri Azərbaycan-Ermənistan dövlət sərhədinin Tovuz rayonu ərazisində təxribat törətməkdə davam edir.
Bölmənin digər xəbərləri
