Türkiyəli alimlər Seysmoloji Xidmət Mərkəzinin tədqiqatlarını yüksək qiymətləndiriblər
Bakı, 14 fevral, AZƏRTAC
Türkiyənin Kocaeli Universitetinin Mühəndislik fakültəsinin nümayəndələri professor Fadimə Sərtçelik, professor Tekin Yekin və professor İbrahim Sərtçelik Azərbaycan Milli Elmlər Akademiyası (AMEA) Respublika Seysmoloji Xidmət Mərkəzində (RSXM) olublar.
AMEA nəzdində RSXM-nin informasiya şöbəsindən AZƏRTAC-a bildirilib ki, mərkəzin baş direktoru, AMEA-nın müxbir üzvü, professor Qurban Yetirmişli ilə görüşən nümayəndələr ikitərəfli əməkdaşlıq məsələlərini müzakirə ediblər. Həmçinin türkiyəli alimlər RSXM-nin apardığı seysmoloji tədqiqatlarla yaxından tanış olduqlarını, bu tədqiqatların beynəlxalq standartlara cavab verdiyini vurğulayıblar.
Görüşdə qarşılıqlı təcrübə mübadiləsi və s. məsələlərə də toxunulub.
Bölmənin digər xəbərləri
