TÜRKİYƏLİ QADINLARIN ÇOXU HESAB EDİR Kİ, ƏRLƏRİ ONLARA ƏL QALDIRA BİLƏR
Türkiyənin bəzi bölgələrində ərli qadınların, təxminən 57 faizi hesab edir ki, ərləri onlara əl qaldıra bilər.
Türkiyəli qadınların cəzalandırılma üçün kifayət qəqər tutarlı hesab etdikləri səbəblər sırasında ərin fikri ilə razılaşmamaq məsələsi birinci yerdə durur. Qadınlar bədxərcliyi də döyülmək üçün əsas səbəblərdən sayırlar. Uşaqlara lazımi qədər qayğı göstərilməməsi üçüncü yerdədir.
Bundan əlavə, rəy sorğusu göstərmişdir ki, respondentlərin təxminən yarısı valideynlərinin seçdikləri adama ərə getmiş və özlərinin fikri nəzərə alınmamışdır. Qadınların 50,8 faizi istəmədiyi adama ərə getməyə məcbur olanlardır. Burada belə hesab edirlər ki, valideynlərinin iradəsinə tabe olmaq istəməyən qızlar özlərini böyük təhlükə qarşısında qoyurlar.
Avropa Birliyinin və Türkiyə hökumətinin təşəbbüsü ilə keçirilən sorğuda 8075 ərli qadın iştirak etmişdir.
Türkiyədə insan, xüsusilə də qadın hüquqları problemi hazırda diqqət mərkəzindədir. Türkiyəni öz sıralarına daxil etmək imkanlarını araşdıran Avropa Birliyini məhz bu məsələ daha çox narahat edir.
