Türkiyənin 2028-ci ilə qədər təbii qaz ötürmə qabiliyyəti 150 milyard kubmetr olacaq
Bakı, 7 sentyabr, AZƏRTAC
Qara dənizdə qaz qovşağının tikintisi və hasilatı nəzərə almaqla, Türkiyə 2028-ci ilə qədər ildə 150 milyard kubmetr təbii qaz ötürmə qabiliyyətinə malik olacaq.
AZƏRTAC xəbər verir ki, bu barədə Türkiyənin energetika və təbii sərvətlər naziri Alparslan Bayraktar bildirib.
“2028-ci ilə qədər Türkiyənin illik ötürücülük qabiliyyəti 150 milyard kubmetr qaz olacaq. Bu, təbii qaz infrastrukturuna investisiyalar və Türkiyənin Qara dənizdə tam həcmdə qaz hasilatına başlaması ilə birlikdə baş verəcək”, - deyə nazir söyləyib.
A.Bayraktar qeyd edib ki, bir qədər əvvəl Türkiyə Macarıstan və Bolqarıstanla qaz tədarükü ilə bağlı müqavilələr imzalayıb və tezliklə hökumət başqa bir müqaviləni elan edəcək. O, həmçinin İranın qaz və neft tədarükü sahəsində Türkiyə ilə daha fəal işləyə biləcəyini də bildirib.
Bölmənin digər xəbərləri
