Ukrayna koronavirusu müəyyən edən testlərin kütləvi istehsalına başlayır
Kiyev, 2 aprel, AZƏRTAC
Ukrayna gələn həftədən koronavirusa yoluxmanı müəyyən etmək üçün testlərin kütləvi istehsalına başlayacaq. AZƏRTAC xəbər verir ki, bu barədə bu gün keçirdiyi brifinqdə Ukraynanın baş sanitar həkimi Viktor Lyaşko məlumat verib.
Onun sözlərinə görə, istehsal ediləcək testlər bütün laboratoriyalara təqdim ediləcək.
"Səhiyyə Nazirliyi bu məsələ üzərində çalışır. Ukrayna Prezidentinin tapşırığına əsasən ölkədə koronavirusu aşkarlayan test istehsal edilməlidir”, - deyə Lyaşko əlavə edib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
