UKRAYNADA 220 ADAM ŞAXTALARIN QURBANI OLMUŞDUR
AZƏRTAC-ın Kiyevdən aldığı xəbərdə deyilir ki, Ukrayna Səhiyyə Nazirliyi mətbuat xidmətinin məlumatına görə, ölkədə soyuqdan ölənlərin sayı daha 39 nəfər artmiş və beləliklə, yanvarın 21-dən 27-dək güclü şaxtaların qurbanlarının sayı 220 nəfərə çatmışdır. Həmin dövrdə təxminən 2600 adam orqanizmin həddindən artıq soyuması və donma nəticəsində xəstəxanaya düşmüşdür.
Ukraynanın bir sıra şəhərlərində istilik təchizatı sistemlərində qəzaların nəticələrinin aradan qaldırılması işləri davam etdirilir. Luqansk vilayətinin Alçevsk şəhərində xüsusilə gərgin vəziyyət yaranmışdır. Burada yanvarın 22-də magistral istilik kəmərində qəzadan sonra 337 evdən cəmi 65-nə istilik vermək mümkün olmuşdur.
Bölmənin digər xəbərləri
