Ukraynadakı Zərifə Əliyeva adına orta məktəbin müəllim heyəti Naxçıvana səfər edəcək
Kiyev, 4 aprel, AZƏRTAC
Ukraynanın İrpen şəhərindəki Zərifə Əliyeva adına 12 saylı orta məktəbin müəllim heyəti aprelin 28-dən mayın 2-dək Naxçıvan Muxtar Respublikasında səfərdə olacaq.
Bu barədə AZƏRTAC-a məktəbin direktoru Valentina Antonenko məlumat verib. Bildirib ki, səfər Naxçıvan MR-in Ali Məclisinin sədri Vasif Talıbovun dəvəti ilə gerçəkləşəcək.
Səfər çərçivəsində ukraynalı qonaqlar Kəngərli rayonunda akademik Zərifə Əliyeva adına Şahtaxtı kənd orta məktəbində olacaq, muxtar respublikanın bir sıra təhsil müəssisələrinə baş çəkəcəklər.
Qeyd edək ki, İrpen şəhərindəki Zərifə Əliyeva adına 12 saylı orta məktəbin müəllim heyəti 2010-cu ildə də Naxçıvanda səfərdə olublar.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
