Ümumi şəbəkə üzrə ötən il qaz itkisi 7,4 faiz olub
Bakı, 14 yanvar, AZƏRTAC
Ümumi şəbəkə üzrə ötən il qaz itkisi 7,4 faiz olub ki, bu da ondan əvvəlki illə müqayisədə 1,5 faiz azdır. Həcmlə 44 milyon kubmetr qaz deməkdir.
AZƏRTAC xəbər verir ki, bu barədə “Azəriqaz” İstehsalat Birliyinin baş direktoru Ruslan Əliyev deyib.
Baş direktorun sözlərinə görə, 2022-ci il üçün itki hədəfi 6,5 faiz götürülüb ki, buna nail olmağa çalışacağıq.
R.Əliyev bildirib ki, ötən ilin dekabrında birliyin 2 milyon 400-cü abonenti qeydə alınıb: “Bu günə isə “Azəriqaz” abonentlərinin sayı 2 milyon 442 min 30 təşkil edir. Ötən il üzrə 83 min 330 yeni abonent qeydə alınıb, bunlarda 80 min 567-si əhali abonentlərinin, 2 min 763-ü qeyri-əhali abonentlərinin payına düşüb”.
Bölmənin digər xəbərləri
