Ümummilli lider Heydər Əliyevin ölməz ideyaları gənclərin ekoloji biliklərinin artırılmasında əhəmiyyətli rol oynayır
Bakı, 26 aprel (AZƏRTAC). Ümummilli lider Heydər Əliyevin 90 illik yubileyi ilə əlaqədar Ekologiya və Təbii Sərvətlər Nazirliyi tərəfindən Azərbaycan Müəllimlər İnstitutunda tələbələrlə görüş keçirilmişdir.
Nazirliyin mətbuat xidmətindən AZƏRTAC-a bildirmişlər ki, tədbirdə ətraf mühitin mühafizəsi istiqamətində ölkəmizdə həyata keçirilən tədbirlər haqqında danışılmış, ümummilli lider Heydər Əliyevin ideyalarının gənclərin ekoloji bilik və bacarıqlarının artırılmasında əhəmiyyəti diqqətə çatdırılmışdır.
Eyni zamanda, tələbələrə təbii sərvətlərin qorunması, su ehtiyatlarının idarə edilməsi, xüsusi mühafizə olunan təbiət ərazilərinin inkişafı, iqlim dəyişmələri, ətraf mühitin mühafizəsi sahəsində görülmüş tədbirlər, Xəzər dənizinin mühafizəsi, işğal olunmuş ərazilərdə ətraf mühitə dağıdıcı təsirin müəyyənləşdirilməsi və s. mövzularda ətraflı məlumat verilmiş və onların sualları cavablandırılmışdır.
Bölmənin digər xəbərləri
