ÜMUMTƏHSİL MƏKTƏBLƏRİNDƏ BURAXILIŞ İMTAHANLARI
AZƏRTAC xəbər verir ki, iyunun 6-da respublikamızın 19 şəhər və rayonunun ümumtəhsil məktəblərində mərkəzləşdirilmiş qaydada test üsulu ilə buraxılış imtahanları keçirilmişdir.
İmtahanlar həm də həmin şəhər və rayonların ərazisində fəaliyyət göstərən məcburi köçkün rayonlarının ümumtəhsil məktəblərini, peşə liseylərini, Təhsil Nazirliyinin bilavasitə tabeliyindəki lisey və gimnaziyaları, ali təhsil müəssisələrinin nəzdindəki orta məktəbləri əhatə etmişdir.
133 mərkəzdə keçirilən imtahanlarda 50 minədək şagird iştirak etmişdir. Ötən tədris ilində müəyyən fənnlərdən “qeyri-kafi” qiymət alaraq attestat almayan 1500-dək şagird onlar üçün yaradılmış 4 mərkəzdə ayrıca imtahan vermişdir.
Təlimata uyğun olaraq, səkkiz fənnin hər hansı birindən qeyri-müvəffəq qiymət alan şagirdə attestat verilməyəcəkdir.
Bölmənin digər xəbərləri
