UNESCO tərəfindən Azərbaycanla bağlı yubileylər keçiriləcəkdir
Paris, 21 noyabr (AZƏRTAC). Azərbaycanın UNESKO yanında daimi nümayəndəliyinin müvəqqəti işlər vəkili Anar Kərimov bildirmişdir ki, noyabrın 20-də keçirilən UNESKO Baş Konfransın 37-ci sessiyası çərçivəsində qurum tərəfindən 2014-2015-ci illərdə qeyd ediləcək yubileylər siyahısı təsdiq edilmişdir.
Azərbaycan tərəfindən bu siyahıya təqdim edilən aşağıdakı yubileylər - görkəmli yazıçı və dramaturq İlyas Əfəndiyevin anadan olmasının 100, orta əsrlərin tanınmış alimi və mütəfəkkiri Əhməd Əl-Bərdəçinin vəfatının 1100 illikləri, eləcə də İran, Türkiyə və Tacikistanla birgə Əbdülqədir Maraağayinin “Ma-qasid əl=Əlhan” əsrinin 600 illiyi daxil edilmişdir.
Beləliklə, Baş Konfrans tərəfindən bu yubileylər təsdiq edilməklə, UNESKO kimi nüfuzlu beynəlxalq təşkilat Azərbaycanın görkəmli şəxslərinin yubileylərinin beynəlxalq səviyyəsində qeyd olunmasına qoşulmuşdur.
Əsgər Əliyev
AZƏRTAC-ın xüsusi müxbiri
Paris
Bölmənin digər xəbərləri
