UNİVERSİTETDƏ MİNİ FUTBOL MEYDANÇASI

09.04.2006 [19:57]
Çap et
A⁺ A^-

AZƏRTAC-ın müxbiri xəbər verir ki, Naxçıvan Dövlət Universitetində mini futbol meydançası istifadəyə verilmişdir.

Universitetin rektoru, akademik İsa Həbibbəyli bildirmişdir ki, meydança bədən tərbiyəsi və hərbi hazırlıq fakültəsində təhsil alan 300-dən çox tələbənin fiziki hazırlığında mühüm rol oynayacaqdır. Hazırda universitetdə yeni idman kompleksi də inşa edilir.

Naxçıvan Muxtar Respublikası Ali Məclisinin sədri Vasif Talıbov mərasim iştirakçılarını yeni idman qurğusunun istifadəyə verilməsi münasibətilə təbrik etmişdir.

Meydançanın açılışını bildirən rəmzi lent kəsildikdən sonra mərasim iştirakçıları tələbələr arasında keçirilən maraqlı futbol yarışına baxmışlar.