UŞAQ RƏSMLƏRİ SƏRGİSİ AÇILMIŞDIR
AZƏRTAC xəbər verir ki, Beynəlxalq Əlaqələr Mərkəzinin “Azərbaycan dünyası” qalereyasında Binəqədi rayonunda fəaliyyət göstərən “Esmiralda” uşaq rəsm studiyasının yaradılmasının 5 illiyi ilə əlaqədar burada təsviri sənətin sirlərinə yiyələnən 10-12 yaşlı uşaqların rəsm işlərindən ibarət sərgi açılmışdır.
Boyakarlıq janrında 40-a yaxın rəsmin nümayiş etdirildiyi sərginin açılış mərasimində qalereyanın müdiri, əməkdar rəssam Arif Hüseynov və başqaları əlamətdar hadisə münasibətilə studiyanın kollektivini təbrik etmiş, fırça sənətinin sirlərinə yiyələnməkdə, gənc rəssamların yetişdirilməsində uğurlar arzulamışlar.
Sərgi oktyabrın axırınadək davam edəcəkdir.
Bölmənin digər xəbərləri
