UŞAQLARIN NOVRUZ ŞƏNLİYİ
Heydər Əliyev adına Sarayın təşəbbüsü ilə keçirilən xeyriyyə konsertində “Çiçəyim” Uşaq Teatrı, “Azəri inciləri” uşaq kollektivi, “Şərq çırağı” vokal qrupu, “Şənlik” və “Asiman” rəqs qrupları zəngin proqramla çıxış etmişlər. Kosa, Keçəl, Səməni, Qoğal, Bahar qız, Div, Cırtdan və digər personajların məzəli, duzlu söhbətləri, “Bayram”, “Novruz” rəqsləri və mahnıları uşaqların böyük sevincinə səbəb olmuşdur. Saray rəhbərliyinin xeyriyyəçilik ənənəsinə uyğun olaraq, Novruz şənliyinə 1000 nəfərdən çox tərbiyəçi, veteran, müəllim və uşaq - “Qönçə” Xəstə Uşaqlara Yardım Cəmiyyəti, Maştağa 1 nömrəli uşaq evi, Nəsimi rayonu südəmər körpələr evi, Saray qəsəbəsindəki 7 nömrəli, Şüvəlan qəsəbəsindəki 2 nömrəli internat məktəblərinin və digər kollektivlərin üzvləri dəvət edilmişdilər.
Bölmənin digər xəbərləri
