Vakant dövlət qulluğu vəzifələri üzrə müsahibədə indiyədək 243 nəfər uğur qazanıb
Bakı, 11 dekabr, AZƏRTAC
Ümumilikdə 46 dövlət orqanında 379 vakant vəzifənin (B növü üzrə) tutulması üçün Dövlət İmtahan Mərkəzi (DİM) tərəfindən avqustun 5-də elan olunmuş müsabiqə üzrə müsahibə davam edir.
AZƏRTAC DİM-in dekabrın 11-i saat 11:25-ə olan göstəricilərinə əsasən xəbər verir ki, müsahibədə 243 nəfər uğur qazanıb. Onlardan 135-i Təhsil Nazirliyində, 17-si Maliyyə Nazirliyində, 23-ü Bakı şəhəri Yasamal Rayon Məhkəməsində, 14-ü Dövlət Statistika Komitəsində, 8-i Sumqayıt Kommersiya Məhkəməsində, 7-si Dini Qurumlarla İş üzrə Dövlət Komitəsində, 7-si Milli Arxiv İdarəsində, 3-ü Əqli Mülkiyyət Agentliyində, yerdə qalanlar isə digər dövlət orqanlarında müxtəlif vəzifələrə uyğun bilinib.
Qeyd edək ki, müsahibədə iştirak üçün 5304 nəfər sənəd verib. Müsahibə 2021-ci il yanvarın 29-da başa çatacaq.
Bölmənin digər xəbərləri
