VATİKAN MARSDA HƏYATIN MÖVCUDLUĞUNA İNANMAĞA HAZIRDIR

01.05.2004 [22:21]
Çap et
A⁺ A^-

“Əgər ABŞ-ın Marsa göndərdiyi robotlar qırmızı planetdə həyat əlamətlərini aşkar etsə, mən buna əsla təəccüblənmərəm”. AZƏRTAC xəbər verir ki, bunu Vatikan rəsədxanasında işləyən 12 astronomdan biri – müqəddəs ata Sabino Maffeo Frans Press agentliyinə müsahibəsində bildirmişdir. Onun sözlərinə görə, “bu, bir daha sübuta yetirəcək ki, Marsda həyat Tanrının təbiətə bəxş etdiyi qabiliyyət sayəsində meydana gəlmişdir”.

Yarım əsrdən çoxdur göy qübbəsini öyrənən 80 yaşlı fizik belə bir fərziyyə ilə razılaşmağa hazırdır ki, biz Kainatda tək deyilik. Lakin Maffeo təmkinini pozmur: digər planetlərdə həyatın kəşf edilməsi onu inamından döndərməyəcəkdir. O demişdir: “Bu, biz möminlər üçün heç bir problem yaratmayacaqdır”.

Müqəddəs ata Maffeo Kastelqandolfo rəsədxanasında işləməsi ilə fəxr edir. Burada XIX əsrin axırlarında Papa XIII Levin əmri ilə quraşdırılmış iki qədim taxta teleskop indiyədək qalmaqdadır. Bu teleskoplar ulduzların öyrənilməsi üçün, əslində, yararlı olmasa da, onlar Vatikan rəsədxanasına gələn həvəskar astronomlarda böyük maraq doğurur.

Xatırladaq ki, Vatikan rəsədxanası XVI əsrdə Papa XIII Qriqorinin fərmanı ilə yaradılmışdır. 1891-ci ildə Papa XIII Lev rəsədxananı genişləndirmişdir. 1934-cü ildə Papa XI Piy rəsədxananı Romadan 30 kilometr cənubda yerləşən Kastelqandolfoya - Roma Papasının yay iqamətgahının yerləşdiyi qəsəbəyə köçürtmüşdür.

VATİKAN MARSDA HƏYATIN MÖVCUDLUĞUNA İNANMAĞA HAZIRDIR

MÜƏLLİFLƏ ƏLAQƏ

Bölmənin digər xəbərləri