Vergilər naziri Lənkəranda vətəndaşları qəbul edəcək
Bakı, 28 mart, AZƏRTAC
Vergilər naziri Mikayıl Cabbarov martın 30-da 6 saylı Ərazi Vergilər Departamentinin inzibati binasında (ünvan: Lənkəran şəhəri, Zərifə Əliyeva küçəsi 97a) Lənkəran, Astara, Lerik, Masallı, Yardımlı, Cəlilabad, Biləsuvar, Beyləqan, Ağcabədi, İmişli, Füzuli, Laçın və Xocavənd rayonundan olan vətəndaşları qəbul edəcək.
Nazirliyin Media və kommunikasiya mərkəzindən AZƏRTAC-a bildirilib ki, qəbulda iştirak etmək istəyən vətəndaşlar martın 28-29-da Lənkəran şəhərində yerləşən 6 saylı Ərazi Vergilər Departamentinə, Beyləqan rayon 8 saylı Ərazi Vergilər İdarəsinə, habelə İmişli, Astara, Lerik, Masallı, Yardımlı, Cəlilabad, Biləsuvar rayonlarında fəaliyyət göstərən Vergi ödəyicilərinə xidmət mərkəzlərinə müraciət etməklə, eləcə də, Vergilər Nazirliyinin “195-1” Çağrı mərkəzinə zəng vurmaqla və ya nazirliyin [email protected] elektron poçt ünvanına yazmaqla qeydiyyatdan keçə bilərlər.
Qeydiyyatdan keçmiş vətəndaşlardan xahiş olunur ki, qəbula gələrkən aidiyyəti məsələləri dolğun ifadə edən ərizə ilə müraciət etsinlər.
Bölmənin digər xəbərləri
