“Vətənin cəsur döyüşçüləri-2” adlı kitab üç dildə nəşr olunub
Bakı, 14 dekabr, AZƏRTAC
Müəllifi yazıçı-publisist, tarix üzrə fəlsəfə doktoru İradə Əlili, Nuranə Şıxaliyeva və Faiq Hüseynov olan “Vətənin cəsur döyüşçüləri-2” adlı kitab müxtəlif dillərdə çapdan çıxıb.
AZƏRTAC xəbər verir ki, sözügedən kitab Azərbaycan, ingilis və rus dillərində nəşr olunub.
Kitabda Azərbaycanın tarixi torpaqlarının uzun illər qeyri-qanuni zəbt edilməsinə son qoymaq məqsədilə torpaqlarımızın erməni terrorçularından azad olunması uğrunda canından keçən Sabirabad rayonundan olan şəhidlər, qazilər və müharibə iştirakçıları haqqında məlumatlar öz əksini tapıb.
Nəşrin redaktorları Ombudsman aparatının əməkdaşı, şair publisist Azadə Novruzova və Minaxanım Əkrəmqızı, dizayneri isə Fuad Musayevdir. Ellada Mirzəyeva, Fatma Hüseynova və Pərvanə Səlimova tərəfindən tərcümə olunan kitabın məsləhətçiləri Könül Həbibqızı, Vüqar Hacıyev, Firəngiz Quliyeva, korrektoru isə Könül Məmmədzadədir.
Əsər geniş oxucu kütləsi üçün nəzərdə tutulub.
Bölmənin digər xəbərləri
