Xaçmazda “Təmiz hava aylığı” çərçivəsində reyd keçirilmişdir
Xaçmaz, 29 avqust (AZƏRTAC). Xaçmaz şəhərinin Nəriman Nərimanov prospektində “Təmiz hava aylığı” çərçivəsində növbəti reyd keçirilmişdir.
AZƏRTAC xəbər verir ki, Ekologiya və Təbii Sərvətlər Nazirliyinin 5 saylı Ərazi İdarəsi ilə Xaçmaz Rayon Polis Şöbəsinin Dövlət Yol Polisi Bölməsi əməkdaşlarının birgə keçirdikləri reyd zamanı yollarda xüsusi cihazlar vasitəsilə avtomobillərdən çıxan dəm qazının normaya uyğunluğu yoxlanılmışdır. Eyni zamanda, aylığın tələblərinə əsasən, sürücülər arasında izahat işləri də aparılmışdır.
Havaya atılan dəm qazı normadan artıq olduğu üçün 38 avtonəqliyyat vasitəsinin sahibləri barəsində qanuna müvafiq qaydada inzibati protokol tərtib edilmişdir.
Reyd zamanı Rusiya istehsalı olan avtomobillərdə havaya buraxılan dəm qazının normadan artıq olduğu müəyyənləşdirilmişdir. “Təmiz hava aylığı” çərçivəsində reydlər davam edir.
Bölmənin digər xəbərləri
