XALQ ŞAİRİ FİKRƏT QOCANIN 70 İLLİK YUBİLEYİ GƏNCƏDƏ QEYD EDİLMİŞDİR
AZƏRTAC-ın müxbiri xəbər verir ki, Gəncə Dövlət Dram Teatrında xalq şairi Fikrət Qocanın 70 illik yubileyi münasibətilə gecə keçirilmişdir. Gecəni giriş sözü ilə Azərbaycan Yazıçılar Birliyi Gəncəbasar bölməsinin sədri, şair Məmməd Alim açaraq yubilyarın həyat və yaradıcılığından danışmışdır. Sonra Yazıçılar Birliyinin sədri, Milli Məclisin deputatı, xalq yazıçısı Anar, xalq şairi Qabil, şairlərdən Rübail Xəzangül, İnqilab İsaqoğlu və başqaları çıxış edərək, yubilyara həsr etdikləri şeirlərini oxumuşlar. Yubiley gecəsi aktyorların ifasında şairin şeirləri və sözlərinə bəstələnmiş mahnılarla başa çatmışdır.
Bölmənin digər xəbərləri
