Xanoğlan Əliyev dördüncü dəfə Ximki şəhər dairəsi Şurasının deputatı seçilib
Moskva, 25 sentyabr, AZƏRTAC
Soydaşımız Xanoğlan Əliyev Moskva vilayətinin Ximki şəhər dairəsi Şurasının deputatı seçilib.
AZƏRTAC xəbər verir ki, Xanoğlan Əliyev seçkilərdə “Ədalətli Rusiya” partiyasından namizəd kimi iştirak edib və Ximki şəhər dairəsi Şurasında yer alıb. Beləliklə, soydaşımızın Şuraya dördüncü dəfə seçilib.
Xanoğlan Əliyev Azərbaycanın Lənkəran rayonunda anadan olub. O, 1991-ci ildən Moskva vilayətinin Ximki şəhərində yaşayır. Soydaşımız ilk dəfə 2011-ci ildə Ximki şəhər dairəsi Şurasının deputatı seçilib. O, həmçinin Rusiyadakı Azərbaycan icması ilə bağlı ictimai fəaliyyətlərdə iştirak edir.
Səsvermənin nəticələri elan edildikdən sonra Xanoğlan Əliyev Ximki sakinlərinə göstərilən etimada görə təşəkkür edib, sakinlərin maraqlarını qorumaq və şəhər dairəsində sosial, infrastruktur və məişət problemlərinin həlli üçün işini davam etdirmək niyyətində olduğunu bildirib.
Ximki şəhər dairəsi Şurasına seçkilər 18-20 sentyabr tarixlərində Rusiyada müxtəlif səviyyələrdə seçkilərin bir hissəsi olaraq baş tutub.
Bölmənin digər xəbərləri
