Xaricə qaz satışı 27 faiz artıb
Bakı, 10 iyun, AZƏRTAC
Cari ilin yanvar-may aylarında xaricə qaz satışı 9,4 milyard kubmetr təşkil edib.
Energetika Nazirliyindən AZƏRTAC-a bildirilib ki, bu da ötən ilin müvafiq dövrü ilə müqayisədə 27 faiz çoxdur. Cari ilin yanvar-may aylarında Türkiyəyə 3,6 milyard kubmetr, Avropaya 4,5 milyard kubmetr, Gürcüstana isə 1,3 milyard kubmetr qaz satılıb. Bu dövrdə BTC boru kəməri sisteminə 45 milyon kubmetr qaz verilib.
Qeyd edək ki, Türkiyəyə TANAP-la bu müddətdə 2,4 milyard kubmetrə yaxın qaz nəql olunub.
Bölmənin digər xəbərləri
