XARİCİ İŞLƏR NAZİRLİYİNDƏ AZƏRBAYCAN İLƏ ABŞ ARASINDA DEMOKRATİYA MƏSƏLƏLƏRİNƏ DAİR NÖVBƏTİ DİALOQ KEÇİRİLMİŞDİR
Xarici İşlər Nazirliyinin mətbuat xidmətindən AZƏRTAC-a bildirmişlər ki, iyunun 27-də nazir Elmar Məmmədyarov və ABŞ dövlət katibinin demokratiya, insan haqları və əmək məsələləri üzrə müavini Devid Kramer Azərbaycan ilə ABŞ arasında demokratiya məsələlərinə dair növbəti dialoq keçirmişlər.
Dialoqda siyasi islahatlar, KİV azadlığı, insan haqları, qanunun aliliyi və s. məsələlər müzakirə olunmuşdur.
Tərəflər demokratiyanın inkişafı sahəsində qazanılan uğurları vurğulayaraq, bir sıra məsələlər üzrə birgə işin vacibliyini qeyd etmiş, habelə demokratiya sahəsində dialoqu davam etdirmək qərarına gəlmişlər.
Dialoqda, həmçinin ikitərəfli, regional və beynəlxalq münasibətlərə dair müxtəlif məsələlər müzakirə edilmişdir.
Növbəti dialoqun bu ilin payızında keçirilməsi haqqında razılıq əldə olunmuşdur.
Bölmənin digər xəbərləri
