XARİCİ İŞLƏR NAZİRLİYİNDƏ GÖRÜŞ
E.Məmmədyarov səfiri yeni təyinatı münasibətilə təbrik etmiş, onun fəaliyyətinin ölkələrimiz arasındakı münasibətlərin inkişafına xidmət edəcəyinə əmin olduğunu bildirmişdir.
Nazir Azərbaycandakı mövcud ictimai-siyasi və iqtisadi vəziyyət, ölkəmizin iştirak etdiyi bir sıra regional layihələr, o cümlədən Bakı-Tbilisi-Ceyhan neft, Bakı-Tbilisi-Ərzurum qaz kəmərləri, qeyri-neft sektorunun inkişafı və digər məsələlər barədə ətraflı məlumat vermişdir.
Ermənistan-Azərbaycan, Dağlıq Qarabağ münaqişəsinə toxunan nazir, Azərbaycan ərazisinin 20 faizinin Ermənistan tərəfindən işğal edilməsi, məcburi köçkünlər problemi, həmçinin münaqişənin həlli istiqamətində aparılan müzakirələr haqqında danışmışdır.
Səmimi görüşə görə təşəkkürünü bildirən V.Nauduzas etimadnaməsinin surətini E.Məmmədyarova təqdim etmiş, ölkələrimiz arasındakı əlaqələrin inkişafı üçün fəal çalışacağını söyləmişdir. O, ölkəsinin Azərbaycan ilə münasibətlərin inkişafında maraqlı olduğunu bildirmiş, bir çox sahələrdə, xüsusilə də nəqliyyat, maliyyə və hərbi-siyasi sahələrdə əlaqələrin möhkəmləndirilməsi üçün geniş imkanların mövcud olduğunu diqqətə çatdırmışdır.
Diplomat yaxın vaxtlarda Litvanın Bakıda səfirliyinin açılmasının nəzərdə tutulduğunu söyləmişdir.
Bölmənin digər xəbərləri
