XƏZƏRİN İNFRASTRUKTURLARININ GENİŞLƏNDİRİLMƏSİ MƏSƏLƏLƏRİ MÜZAKİRƏ EDİLMİŞDİR
AZƏRTAC-ın xüsusi müxbiri xəbər verir ki, bu şura Qazaxıstanda çalışan sərmayədarlarla birbaşa əlaqə qurulması, sərmayə fəaliyyəti ilə bağlı problemlərin operativ həll edilməsi məqsədi ilə yaradılmışdır.
75 beynəlxalq şirkət və təşkilat nümayəndələrinin iştirak etdiyi görüşdə Xəzər regionunun infrastrukturlarının genişləndirilməsi, bu sahəyə xarici sərmayənin cəlb edilməsi məsələləri diqqət mərkəzində olmuşdur.
İclasdan sonra keçirilən mətbuat konfransında Qazaxıstan Prezidenti N.Nazarbayev bildirmişdir ki, ilin əvvəlindən neft əməliyyatları sayəsində həyata keçirilən vergi qaydaları yalnız yeni layihələrə aiddir və əvvəlcə imzalanmış sazişlərə şamil olunmur. O qeyd etmişdir ki, Rusiya və Çin, Bakı-Tbilisi-Ceyhan, Türkmənistan ərazisindən keçməklə, İran körfəzinə gedən boru kəmərləri marşrutları üstünlük verilən layihələrdir.
Bölmənin digər xəbərləri
