XXVIII YAY OLİMPİYA OYUNLARININ MÜKAFATÇISI YOL QƏZASINA DÜŞMÜŞDÜR
Baş Dövlət Yol Polisi İdarəsindən AZƏRTAC-a bildirmişlər ki, paytaxtda ağır yol-nəqliyyat hadisəsi baş vermişdir. XXVIII Afina Yay Olimpiya oyunlarının boks üzrə bürünc mükafatçısı Ağası Məmmədov idarə etdiyi “VAZ 2107” markalı şəxsi avtomobili ilə Nəsimi rayonu ərazisində Cəlil Məmmədquluzadə küçəsində yoldan çıxmış və dəmir dirəyə çırpılmışdır. Ağır vəziyyətdə olan sürücü Musa Nağıyev adına təcili tibbi yardım xəstəxanasına çatdırılmış və kəllə beyin zədəsi ilə reanimasiya şöbəsində yerləşdirilmişdir.
Faktla bağlı araşdırma aparılır.
