YALTA FORUMUNDA AVROPA STRATEGİYASI PROBLEMLƏRİ MÜZAKİRƏ EDİLƏCƏKDİR
AZƏRTAC-ın xüsusi müxbiri xəbər verir ki, iyulun 11-də Yaltada (Ukrayna) Beynəlxalq “Yalta Avropa Strategiyası” (YES) şəbəkəsinin V sammiti açılmışdır.
Budəfəki forumda müasir dövrün təhdidləri, onların Ukraynaya və Avropaya təsirləri, dünya maliyyə və ərzaq böhranları ilə əlaqədar yaranan yeni imkanlar və yeni təhlükələr, Avropa İttifaqının yeni siyasi konfiqurasiyası problemləri, Lissabon müqaviləsinin taleyi, enerji təhlükəsizliyi, Avropa İttifaqı, Qara dəniz regionu və Ukrayna üçün strategiyalar müzakirə ediləcəkdir.
Dünyanın 20-dən artıq ölkəsini təmsil edən 160-dan çox siyasətçi, ictimai xadim, biznesmen və diplomatın qatıldığı forum iyulun 13-dək davam edəcəkdir.
Bölmənin digər xəbərləri
