YANVAR-İYUL AYLARINDA RABİTƏ XİDMƏTLƏRİNİN HƏCMİ ARTMIŞDIR
Dövlət Statistika Komitəsindən AZƏRTAC-a bildirmişlər ki, cari ilin yeddi ayında telekommunikasiya və poçt müəssisələri tərəfindən hüquqi və fiziki şəxslərə 503,6 milyon manatlıq və ya əvvəlki ilin müvafiq dövrü ilə müqayisədə 34,3 faiz çox rabitə xidməti göstərilmişdir.
Əldə olunan gəlirlərin 72,1 faizi mobil telefon rabitəsinin payına düşür. Ötən ilin eyni dövrü ilə müqayisədə bu xidmətin həcmi 39,7 faiz artmışdır.
Rabitə xidmətlərinin həcmi Abşeron iqtisadi rayonunda 23 faiz, Quba-Xaçmaz iqtisadi rayonunda 23,9 faiz, Dağlıq Şirvan iqtisadi rayonunda 41,9 faiz, Şəki-Zaqatala iqtisadi rayonunda 26,9 faiz, Aran iqtisadi rayonunda 23,3 faiz, Lənkəran iqtisadi rayonunda 26,3 faiz, Gəncə-Qazax iqtisadi rayonunda 20,2 faiz artmışdır.
Bölmənin digər xəbərləri
