Yaponiya hökuməti uşaqlar üzərində zorakılığa qarşı qanun layihəsini bəyənib
Tokio,19 mart, AZƏRTAC
Yaponiya hökuməti uşaqlar üzərində zorakılığa qarşı qanun layihəsində dəyişiklikləri bəyənib.
AZƏRTAC xəbər verir ki, Yaponiya Nazirlər Kabineti tərəfindən martın 19-da bəyənilən qanun layihəsi valideynlərə uşaqlara qarşı fiziki cəza tətbiqini qadağan edir. Yeni normalara əsasən, uşaqların rifahının mühafizəsi mərkəzlərində olan hüquqşünaslar və həkimlər bir-biri ilə məlumat mübadiləsi aparmalıdırlar. Qanun layihəsi, həmçinin məsləhət mərkəzlərinin sayının artırılmasını nəzərdə tutur.
Evdə zorakılığın qurbanları olan uşaqlara məsləhət verən mütəxəssislərdən isə xahiş ediləcək ki, belə halların qarşısını ilkin mərhələdə almağa çalışsınlar.
Hökumətin bəyəndiyi qanun layihəsi, eyni zamanda, valideynlərə öz uşaqlarına “intizam” dərsi keçmək hüququ verən Yaponiya Vətəndaşlıq Məcəlləsində də dəyişikliklər etməyə çağırır.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
