Yaponiya nəzarətin gücləndirilməsindən sonra ilk dəfə Cənubi Koreyaya yarımkeçiricilərin göndərilməsini bəyənib
Tokio, 8 avqust, AZƏRTAC
Yaponiya hökuməti ixraca nəzarətin gücləndirilməsindən sonra ilk dəfə Cənubi Koreyaya yarımkeçiricilərin və yüksək texnologiya materiallarının göndərilməsini bəyənib.
AZƏRTAC xəbər verir ki, bu barədə avqustun 8-də keçirilən mətbuat konfransı zamanı Yaponiya Nazirlər Kabinetinin baş katibi Yoşihide Suqa bildirib.
“Bu, bizim nəzarətin gücləndirilməsi ilə bağlı həyata keçirdiyimiz tədbirlərin embarqo olmadığını əyani şəkildə göstərir. Bütün legitim çatdırılmalar tərəfimizdən bəyəniləcəkdir”, - deyə Y.Suqa qeyd edib.
Eyni zamanda, Yaponiyanın İqtisadiyyat, Ticarət və Sənaye naziri Hiroşiqe Seko öz növbəsində ümidvar olduğunu bildirib ki, Cənubi Koreya tərəfi yaranmış vəziyyətə anlayışla yanaşacaq.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
